Silent sky


ନୀରବ ଆକାଶ
ତୁମେ ଥିଲ,ଖୁସି ଥିଲି
ଆଜି ତୁମେ ନାହିଁ ପୁଣି ବି
କେଜାଣି ଅନ୍ତରରେ ଶୁନ୍ୟତା ନାହିଁ
ହଜିଲାପରି ଲାଗୁନି କିଛି
ତୁମରମନେ ଅଛି ,
ଦିନେ କଥା ହେଲ ନି ବୋଲି
କେତେ ରାଗିଥିଲି
କେତେ ଅଭିମାନ ଭରା ଲୁହଥିଲା
ଆଜି କିନ୍ତୁ ଦିନ ବିତି କେତେ ବର୍ଷ ହେଲା
ଦେଖିନି ତୁମକୁ, ଶୁଣିନି କଥା ତୁମ
କାହିଁ , ଲୁହ ତ ନାହିଁ ନା ଅଛି ଅଭିମାନ
ସମୟ ବଦଳିଛି
କିଛି ତୁମେ କିଛି ମୁ ବଦଳିଛି
କିନ୍ତୁ ଦେଖ ଏ ଆକାଶକୁ,
ସେମିତି ଚାହିଁ ରହିଛି
ନୀଳ ଆକାଶ ନିର୍ମଳ ସେପରି
ଯେମିତି କିଛି ବର୍ଷ ଆଗରୁ ଥିଲା
ହସି ହସି ଗାଉଥିଲା ସାଥି ହୋଇ
ନୀରବ ନୀରବ ରହି ବି ସତେ
କେତେ କଥା କୁହେ ଏଇ ଆକାଶ

ସସ୍ମୀତା ପ୍ରଧାନ
ସେରସୁଆଁତଳ


Comments

Post a Comment

Popular posts from this blog

ଅଭିନୟ

ଅଭିନୟ ତୁମର ଅକୁହା କଥା ବୁଝିପାରେ ମୁହିଁ ଚାପିଚାପି ହସି ତୁମେ ରାଗିବାର ଅଭିନୟ କର ଅଭିମାନ ଭରା ଲୁହ ତୁମ ପ୍ରେମର ପରିଚୟ ଜାଣେ ମୁଁ, ଜାଣେ ଯେ ତୁମେ ମୋତେ ଭଲପାଅ ହଜି ଯିବାକୁ ଚାହଁ ମୋ ସାଥିରେ କାହିକି କେଜାଣି ସବୁ ଜାଣି ବି ପାରୁନି ତୁମକୁ ହୃଦୟରେ ଚାପି କେବେ ଦୁଃଖ ଅବା ପୀଡା ହେଲେ କାନ୍ଦିପାରୁନି ତୁମ ବାହୁ ବନ୍ଧନରେ ନିଜକୁ ସମର୍ପି ପ୍ରେମ ଯେ ଏତିକି ବେଦନା ବିରହର ସମାହାର ତୁମକୁ ପାଇ ଜାଣିଲି, ଆଉ ଜାଣିଲି ପ୍ରେମକରି ନ କରିବାର ଅଭିନୟ । ସସ୍ମିତା ପ୍ରଧାନ 30.01.2019 ବିଶାଲଖିଣ୍ଡା ସରକାରୀ ଉଚ୍ଚପ୍ରାଥମିକ ବିଦ୍ୟାଳୟ
Read more

Life is Celebration

Image
Life is Celebration ଶୂନ୍ୟ ଆକାଶରେ ଭାଷେ ଯହିଁ ମେଘ ମନର ଭାବନା ସେହିପରି କେବେ ଦୁଃଖ କେବେ ଯାତନାଭରା ତ ଆନନ୍ଦରେ କେବେ ଯାଏ ଭରି ସାକ୍ଷଭାବ ରଖି ନ ବହି ଏଥିରେ ଦେଖ ହୃଦୟର ବିଚଳନ ପ୍ରତିମୂହୁର୍ତ୍ତ ରେ ପ୍ରତିକ୍ଷଣେ ବଞ୍ଚି ଆନନ୍ଦେ ବୁଝିବା ଇହ ଜୀବନ ଆସେଯାଏ କେତେ ଶହଶହ ମେଘ ଘୁରିବୁଲେ ଏଇ ଆକାଶରେ କେବେ ବାରି ରୂପ ନେଇ ପୁଣିଥରେ ଶୂନ୍ୟ ଆକାଶ କରିଦିଏ ମନର ଭାବନା ବାଦଳ ସଦୃଶ ଆସୁଥିବ ପୁଣିଯାଉଥିବ ସ୍ଥିରରଖି ଚିତ୍ତ ଦେଖିଲେ ଭାବନା ପ୍ରତିକ୍ଷଣ ହେବ ମହୋତ୍ସବ। Its a philosophical poem. Our thoughts and emotions are like clouds in the sky which move haphazardly here and there. We need to keep a strict vigil on them.  One who live his or her life in the present moment can only be able to celebrate it. By Sasmita Pradhan sasmita4pradhan@gmail.com
Read more